Тренерот на Пари Сен Жермен, Кристоф Галтие, беше многу разочаран од елиминацијата на тимот во Купот на Франција. Парижаните беа елиминирани од Олимпик Марсеј откако загубија на „Велодром“ со 2-1. Така, ѕвездениот тим на ПСЖ ги загуби шансите за еден од трофеите кои им беше цел, и тоа неколку дена пред соочувањето со Баерн Минхен во Лигата на шампионите.
На прес-конференцијата по мечот, Кристоф Галтие изрази жалење за примениот втор постигнат гол, кој дојде по загубената топка од Нејмар.
„Многу сме разочарани. Купот на Франција беше една од нашите цели. Сепак, мора да признаеме дека бевме поразени од одлична екипа. За жал, не создадовме доволно шанси пред противничкиот гол. Добивме важна лекција што треба да ја научиме. Сега ни доаѓа многу тежок период. Фудбалерите се разочарани и со скршено срце. Сега не треба да им даваме слобода на емоциите, туку да продолжиме да работиме, фокусирајќи се на следните мечеви“, изјави тренерот на ПСЖ.
