Антонио Конте ќе се врати во Италија каде би можел да ја преземе Рома доколку тренерот на „волчицата“, Жозе Мурињо, се повлече од позицијата, објави „Кориере дело Спорт“.
Конте се очекува да добие отказ од Тотенхем до крајот на оваа недела, а Рајан Мејсон ќе биде назначен за негов наследник. Но, тој би можел од следната сезона да се седне на клупата на Рома.
Постои голема можност португалскиот стручњак Жозе Мурињо да се раздели со римскиот клуб, а за неговите услуги се заинтересирани Реал Мадрид и Пари Сен Жермен. Договорот на Мурињо со италијанскиот клуб е до јуни 2024 година.
