Кинеската Нова година започна на 22 јануари и ќе трае до 9 февруари 2024 година, а е во знакот на водениот зајак. Минатата година беше во знакот на тигарот и за многумина беше интензивна и исцрпувачка. Годината на зајакот ќе биде многу помирна и ќе ни донесе можност за интроспекција и поставување нови цели.
Во кинеската астрологија, зајакот се смета за едно од најсреќните животни, па затоа можеме да очекуваме поволни околности. Подгответе се за нови состаноци, врски и пријателства, како и ветувачки деловни можности. Бидете подготвени за предизвици, вклучувајќи ги и оние што можеби не сте ги очекувале. Ова е моќна година, затоа потпирајте се на вашите инстинкти.
Годината на зајакот е поволна за професионален успех. Многумина може да очекуваат зголемување на платата или унапредување, а некои дури и целосен пресврт во кариерата. Овој период е погоден за поставување долгорочни цели во текот на целата година.
Тоа е поволно време за дипломатија и комуникација. Односите ќе се издигнат на ново ниво и ќе се формираат подлабоки врски. Ова е период за решавање на конфликти или спорови. Во годината на зајакот очекувајте зголемување на емпатијата. Луѓето ќе можат повеќе да ги гледаат работите од поинаква перспектива, па желбата за постигнување компромис ќе се засили.
На кого ќе му донесе среќа годината на зајакот, а кому тешкотии?
Кинеските хороскопски знаци кои ќе имаат одлична година се зајакот, овцата, кучето и свињата. Секој од овие знаци ќе има многу можности за кариера и раст на интимните односи. Иако ќе им се отворат добри можности, тие не треба да брзаат. Понекогаш она што изгледа како најдобра одлука можеби не е најмудар избор, па затоа им се советува да бидат намерни.
Змејот, змијата, петелот и стаорецот ќе се судрат со енергијата на Зајакот оваа година. Многу работи нема да одат според планот, но не е се така мрачно. Предизвиците со кои се соочуваат ќе бидат одлична лекција и вредно искуство. Организирањето на домот според принципите на фенг шуи може да им помогне подобро да се справат со стресот.
