СОЗДАВАЧИТЕ НА СОДРЖИНИ на TikTok ќе можат да спречат лица под 18 години да гледаат преноси во живо. Оваа опција моментално е во фаза на тестирање, но TikTok пред неколку месеци објави дека сака да ограничи одредени видови содржини за малолетниците да не бидат изложени на несоодветна содржина, пишува TechCrunch.
Кога снимате пренос во живо, корисниците ќе можат да ја изберат опцијата „теми за возрасни“ во поставките, така што малолетниците наместо видеото ќе видат известување „само корисници на возраст од 18 години и постари можат да го видат вашето во живо“. Апликацијата исто така предупредува дека преносот во живо сепак ќе биде отстранет доколку ги прекрши правилата на TikTok, односно ако прикажува експлицитни сцени како насилство и голотија.
Одговорност на авторите
„Нашите корисници понекогаш сакаат да споделуваат содржина само со одредена група следбеници. Можеби создаваат комична содржина со хумор за возрасни, споделуваат совети за справување на работа кои се интересни само за возрасните или зборуваат за тешки животни ситуации. Затоа тестираме различни начини за да им дозволиме на креаторите да споделуваат содржини со нивната целна публика“, рече Трејси Елизабет, шеф на деловната политика за TikTok во САД.
Видеата на TikTok нема да бидат означени со 18+ како телевизиската програма, туку едноставно ќе биде одговорност на креаторите на видеата да ја ограничат содржината што не е погодна за малолетници.
