Роберт Левандовски, во победата на Барселона над Виљареал (3:0), ја мина границата од 600 гола во кариерата. Левандовски два пати погоди против Виљареал, ги постигна 600. и 601. гол во кариерата.
34 годишниот напаѓач стана само третиот играч од 2000 година кој ја надмина границата од 600 гола вокариерата. Претходно тоа го направија Лионел Меси и Кристијано Роналдо. Тој има постигнато 16 гола на 14 натпревари за Барселона во сите натпреварувања откако ова лето пристигна на „Ноу Камп“ од Баерн Минхен.
Во Баерн Левандовски постигна 344 гола на 375 натпревари, додека во дресот на Борусија Дортмунд на 186 натпревари 103 пати ја погоди мрежата.
