Реал Мадрид го загуби првиот натпревар од полуфиналето на Купот на Шпанија против Барселона (0:1). По натпреварот, тренерот на Реал Карло Анчелоти, изјави дека победата на Барселона не е заслужена, а медиумите објавија дека италијанецот полека ја губи поддршката од своите играчи.
„Односот меѓу Анчелоти, клубот и играчите е променет. Се зголемува бројот на челниците на Реал кои бараат негово заминување од клубот и се поголем е бројот на играчи кои се незадоволни од италијанскиот тренер“, пишува удерникот на „Релеве“, Алфредо Мантиља.
Наводно, конфликтот меѓу Анчелоти и претседателот Флорентино Перез започнал по нерешениот резултат во Примера со Атлетико (1:1). Перез го обвинил Анчелоти за нерешениот резултат, бидејќи оставил неколку стандардни играчи на клупата.
„Сето ова влијае на тимот секој ден. Неколку играчи сакаат да ја искористат оваа нестабилност и да изборат подобар статус за себе. Затоа се повеќе и повеќе го кодошат Анчелоти кај претседателот Перез”.
Италијанскиот селектор има понуда да ја преземе бразилската репрезентација, но на Бразилците им порача дека одлука може да донесе дури по завршувањето на сезоната.
„Анчелоти е навреден бидејќи чувствува дека Реал се надева дека ќе го избере Бразил. Тоа го боли“.
