Усман Дембеле, Френки Де Јонг и Ансу Фати се три од најпопуларните имиња на пазар од редовите на Барселона. Сепак, претседателот Жоан Лапорта е тој што сака да ги замолчи гласините на пазарот кога се во прашање тројца од најистакнатите таленти во редовите на каталонците.
Advertisements
Првиот човек на клубот „Блауграна“ нагласи дека Дембеле не е продажба, дури и да пристигне понуда од 70 или 80 милиони евра, додека за Де Јонг потенцира дека клубот одлучил да не го пушти на пазарот.
„Не го продаваме Дембеле дури и да пристигне понуда од 70 или 80 милиони евра. Размислуваме да ја продолжиме соработката, ќе разговараме повеќе во иднина. Што се однесува до Де Јонг, и спортското раководство ги носи своите одлуки и презема мерки, и така е одлучено дека играчот од средниот ред, да го нема на пазарот. Истата дискусија важи и за Ансу Фати. Што се однесува до јануарскиот пазар, идејата е да не се троши во овој момент, бидејќи го создадовме тимот во лето“, изјави Лапорта.
