Седум лица загинаа, а 77 се поврдени во руски ракетен напад врз станабена зграда и игралиште во североисточниот украински град Харкив, соопштија украинските власти.
Украинскиот претседател Володимир Зеленски изјави дека меѓу убиените е и едно 14-годишно девојче.
Градоначалникот на Харкив, Игор Терехов, на Телеграм потврди дека едно дете е убиено на игралиште и информира дека од ударот се запалила 12-катна станбена зграда. Опожарени се и неколку автомобили паркирани во близина на зградата.
По нападот врз Харкив, Володимир Зеленски повторно ги повика западните сојузници на Украина да му дозволат на Кијив да користи оружје со долг дострел доставено од Запад за напади на руска територија.
– Нападот немаше да се случи ако нашите одбранбени сили имаа способност да уништат руски воени авиони каде што се распоредени. Нема рационална причина зошто треба да ја ограничиме одбраната на Украина, рече Зеленски на Телеграм.
Спроед Кијив, најефекасниот начин да се спречат напади како оној на Харкив е да се соборат руските авиони кои лансираат проектили во Украина.
Извор: МИА
