Украинската влада нареди задолжителна евакуација на Доњецк, источниот регион кој е место на жестоки борби со руските сили, изјави доцна синоќа украинскиот претседател Володимир Зеленски.
Advertisements
Во доцното вечерно телевизиско обраќање до јавноста Зеленски рече дека стотици илјади луѓе кои сѐ уште се во конфликтните зони во пошироката област на Донбас мора да заминат.
„Колку повеќе луѓе го напуштат Доњецк сега, толку помалку луѓе руската армија ќе има време да убие, а евакуираните ќе бидат обештетени “, рече тој.
„Многумина одбиваат да заминат, но сепак тоа треба да се направи.“ Ако имате шанса, ве молам разговарајте со оние кои сѐ уште се во конфликтните зони во Донбас. Ве молам убедете ги дека мора да заминат“, рече Зеленски.
Вицепремиерката Ирина Верешчук изјави дека евакуацијата треба да се изврши пред почетокот на зимата бидејќи се уништени резервите на природен гас во тој регион, пренесоа украинските медиуми.
