Фудбалската репрезентација на Соединетите Американски Држави е првата од 32-те земји учесници на Светското првенство што пристигна во Катар, откако веќе слета на меѓународниот аеродром Хамад во Доха. САД пристигна од Њујорк, а авионот на “Катар Eрвејс” беше еден од првите што пристигна на новоотворениот дел од аеродромот.
Advertisements
Американската селекција ќе го започне натпреварувањето на 21 ноември со натпревар против Велс, четири дена подоцна ќе игра со Англија, а на 29 ноември со Иран. Целата американска експедиција ќе биде сместена во хотел во западна Доха, а ќе тренира на стадионот на Ал-Гарафа, оддалечен околу 15 километри.
Селекцијата на САД по единаесетти пат учествува на Светските првенства. Неодамна во Катар пристигнаа членови на селекциите на Аргентина и Јапонија, но не и нивните репрезентации./Gol.mk/
