Светската тенисерка број еден Ига Швјонтек го заврши учеството на Австралија Oпен во четвртото коло, откако загуби од Јелена Рибакина со 2:0 во сетови (6:4, 6:4).
Во првиот сет тенисерката од Казахистан загуби брејк, но навреме направи нов и потоа без проблем сервираше за водство од 1:0. Единствениот мал пад го имаше на почетокот на вториот сет кога Швјонтек поведе со 3:0 во гемови. Сепак, Рибакина возврати силно, освои пет од последните шест гема и на крајот сервираше за победа.
Јелена Остапенко, која ја победи Коко Гоф со во сетови (7:5, 6:3) ја очекува Рибакина во четврт-финалето. Американката пропушти многу можности во првиот сет. По раната размена на брејкови, Гоф имаше уште пет брејк шанси во два различни гема. Таа не ги искористи, а потоа при 5:6 во гемови и водство од 40:0 дозволи брејк./Makfax/
