Конзумирањето нездрава храна може да има голем број негативни ефекти врз нашето тело, вклучувајќи зголемување на телесната тежина и висок шеќер во крвта. Особено загрозени се хроничните пациенти бидејќи веќе имаат одредена здравствена состојба која треба да се следи.
Без разлика дали се работи за лица со висок холестерол, висок крвен притисок или дијабетес, одредени видови храна за хроничните пациенти може да бидат крајно опасни, па нутриционистите нагласуваат дека најдобро би било целосно да избегнувате одредени намирници. Според Заедницата за нега на дијабетес, има храна што луѓето со дијабетес особено треба да ја избегнуваат.
Тоа се првенствено преработки од месо и сувомеснати производи, полномасни млечни производи, пакувани грицки и готови десерти, храна богата со бели јаглехидрати, засладени снегулки, сушено овошје, пржени компири, црвено месо и сите други намирници кои содржат големи количини на заситени масти.
Имено, секоја од овие намирници содржи лоши масти, големи количини сол или рафинирани шеќери, кои дополнително ја влошуваат состојбата на дијабетичарите и можат да предизвикаат опасни несакани ефекти, предупредуваат лекарите.
