DISNEY UK ја објави овогодинешната празнична реклама која трогна илјадници гледачи.
Анимираниот цртан филм со наслов Подарокот ја следи приказната за едно семејство со ново пристигнување. Најмладата ќерка Ела во почетокот е лута на мајка си затоа што не можела да се дружи со неа како порано. Ела е се понезадоволна како што наближува терминот, а сè кулминира кога мајката оди во породилиште.
Меѓутоа, кога мајката се враќа со нов член на семејството, Ела го заборава својот гнев и му ја дава на бебето играчката што ја добила порано. Тој подарок (The Gift) го симболизира зближувањето меѓу Ела и новороденчето и затоа рекламата го доби тој наслов.
Песната A Little More испеана од Џесика Дароу се провлекува низ цртаниот филм. Рекламата, како и претходните божиќни реклами на Дизни во Велика Британија, е направена во соработка со добротворната организација Make A Wish. Рекламата беше прегледана речиси 50.000 пати во рок од неколку часа од нејзиното објавување на YouTube.
Воодушевени гледачи
Коментарите под видеото на YouTube откриваат колку гледачите се ентузијасти за цртаниот филм.
„Ме допирате секоја година со овие реклами“, „Знаев дека ќе плачам“, „Ги сакам твоите реклами“, пишуваат луѓето.
Инаку, оваа реклама продолжува од ланската, кога гледачите ја следеа мајката на Ела, Никол, која потоа ги запозна децата со нивниот очув Мајк.
