Кошаркарите на МЗТ го освоија трофејот во Купот на Македонија. Во финалето МЗТ го победи Феникс со 89:73 (28:14, 20:23, 23:24, 18:12). Тимот од „Јане Сандански“ го освои 11. трофеј во Купот, во клупската историја, со што стана најтрофеен во оваа натпреварување.
Advertisements
Избраниците на тренерот Драган Николиќ победата ја најавија во првата четвртина во која стекнаа предност од 14 поени. Во остантите три четвртини МЗТ искусно ја одржуваше разликата. Кошаркарите на Феникс успеаја во 27.минута да ја намалат разликата на четири поени, но МЗТ тој налет на противникот го одби со серијата 7:1.
Мицовиќ со 20 и Војдан Стојановски со 16 поени го предводеа МЗТ. Кај Феникс Трајковски имаше 22 поени, а Димчевски 21./Makfax/
Фото насловна/ kfsm.mk Фото галерија/Игор Паневски
