Болниците во Шангај им препорачаа на нивниот персонал да се подготви за „трагична битка“ со ковид-19 бидејќи очекува половина од 25-те милиони луѓе во градот да се заразат до крајот на годината додека вирусот се шири во Кина. По широките протести и немилосрдниот пораст на случаите, Кина овој месец презеде ненадејна промена во политиките и почна да го укинува својот „нулта-ковид“ режим кој им нанесе голема финансиска и психолошка штета на нејзините 1,4 милијарди луѓе. Сепак, официјалниот број на смртни случаи во Кина од почетокот на пандемијата пред три години изнесува 5.241.
Advertisements
Некои експерти велат дека официјалните бројки станале несигурен водич бидејќи се прават помалку тестирања низ Кина по олеснувањето на ограничувањата. Се проценува дека во Шангај има околу 5,43 милиони позитивни и оти 12,5 милиони во главниот трговски центар во Кина ќе се заразат до крајот на годината. Експертите велат дека Кина може да се соочи со повеќе од еден милион смртни случаи од ковид-19 во следната година, со оглед на релативно ниските стапки на целосна вакцинација кај нејзината ранлива постара популација.
