Меѓународната агенција за атомска енергија (МААЕ) се подготвува да испрати инспектори на две украински локации како реакција на барањето на Украина за инспекција по руските тврдења дека Украина може да распореди таканаречена валкана бомба, што Киев го негира. Украина и нејзините сојузници категорично ги отфрлија тврдењата на Русија дека Киев развива „валкана бомба“ за употреба против силите на Москва, а украинскиот министер за надворешни работи Дмитро Кулеба ја покани МААЕ „итно да испрати експерти во мирните објекти во Украина за кои Русија на измама тврди дека развиваат валкана бомба“. Кулеба рече дека Украина отсекогаш била транспарентна и нема „ништо да крие“.
