Емоционалните односи честопати се комплицирани, а жените понекогаш не се свесни дека не е секогаш паметно да се стремиме да бидеме со некого по секоја цена.
Како паметни, самоуверени жени, прилично сме сигурни дека знаеме што сакаме. И иако е лесно да се имаат јасни цели што треба да се постигнат кога се работи за кариера, „водата станува матна“ кога размислуваме за љубовта.
Откако ќе се фокусираме на мажот за кој мислиме дека е достоен за врска, имаме тенденција да занемариме некои јасни сигнали дека тој не е за нас, па дури и да манипулираме за да го постигнеме она што го замисливме – дури и ако тоа може да биде на наша штета.
Често се случува да флертуваме со мажи кои не сакаат ништо повеќе од тоа, а сме убедени дека тој всушност сака врска со нас, дури и кога речиси јасно ни кажува дека нешто такво не го интересира.
Понекогаш мажите попуштаат и се согласуваат со женските услови дури и кога не се премногу заинтересирани за нив, но тоа секогаш завршува со разочарување, вели Робин Џонсон, терапевт за врски и брак.
Тој наведува дека во пракса имал неколку случаи каде жените си го тераат своето.
– Има три јасни индикатори кои жените треба да ги сфатат како машка незаинтересираност за нив и да продолжат понатаму – вели терапевтот.
Не одговара на вашите повици и пораки
Понекогаш потребни се часови или дури денови за да се одговори на вашиот повик или порака. Тоа е јасен сигнал дека тој не е заинтересиран за вас и дека не сте негов приоритет, дури ни за муабет.
Тој тврди дека не е вистинско време за врска
Ако го поставите прашањето за посериозна врска, тој вели „не е вистинското време за тоа“. Секое инсистирање и форсирање на таа тема предизвикува уште повеќе да се дистанцира. Не го толкувајте како покана да го освоите, туку повлечете се и продолжете понатаму.
Тој е премногу зафатен
Честопати ветува дека ќе ве види, но „не постигнува“. Оној што се грижи за некого, особено кога се работи за љубов и занес, секогаш ќе најде време да се види со личноста што го интересира.
Ако мажот на кој сте насочени е секогаш зафатен, тој ви испраќа јасна порака дека навистина не сака да најде време за вас. Не чекајте го и продолжете понатаму, бидејќи можеби некој што навистина ве заслужува е на првиот агол.
