Претседателот на партијата СМЕР-ССД, Роберт Фицо, победникот на парламентарните избори во Словачка, изјави дека е постигнат договор со екстремно десничарската партија СНС и левичарската партија ХЛАС-СД за формирање на иднината владина коалиција.
„Се договоривме за заедничко формирање на влада. Тоа е основата на коалицискиот договор што сакаме да го склучиме што е можно поскоро“, изјави Фицо за новинарите.
СМЕР-ССД на Фицо освои 23 отсто од гласовите на изборите на 30 септември. По нив следи либералната Прогресивна Словачка (ПС) со 18 проценти, а трета е партијата ХЛАС-СД на поранешниот премиер Петер Пелегрини.
СМЕР-ССД ја засноваше својата кампања на ветувањата дека ќе ја прекине воената помош за Украина. Противењето на илегалната миграција беше исто така во фокусот на кампањата на Фиц, критикувајќи ја преодната влада дека не направила повеќе и ги суспендирала правилата на Шенген за „отворени граници“.
Според аналитичарите, новата влада би можела радикално да ја промени надворешната политика на Словачка и да се оттргне од Украина.
