Десет лица загинаа, а 23 се повредени, меѓу кои две деца во снежните бури во Украина, изјави денеска министерот за внатрешни работи, Игор Клименко.
Ветрови и бури ја зафатија Украина од неделата, прекинувајќи го снабдувањето со електрична енергија и блокирајќи ги патиштата, особено во јужниот дел на земјата, пренесува Ројтерс.
„Поради влошување на временските услови, 10 лица загинаа во регионите Одеса, Харков, Миколаев и Киев“, напиша Клименко на Телеграм.
Тој изјави дека без струја се 411 населени места во 11 области, а од снежните наноси треба да се извлечат над 1.500 возила.
