Годината што помина беше навистина предизвикувачка, како за обичните луѓе така и за познатите холивдуски ѕвезди.
По нешто повеќе од една година брак со актерот Карл Глусман, Зои Кравиц наводно поднела барање за развод од нејзиниот сопруг, актерот Карл Глусман, на 23 декември, пренесува „Пипл“.
Двајцата актери почнале да се забавуваат уште во 2016 година, а својата љубовна врска ја потврдија во јавноста во октомври истата година. Во февруари 2018 година ја објавија нивната свршувачка и се венчаа на 29 јуни 2019 година со церемонија во Париз.
Иако никој од актерите јавно не ги потврди гласините за нивната разделба, сепак странските медиуми продолжија да ја анализираат нивната активност на социјалните мрежи.
На инстаграм – профилот на Кравиц сè уште има нивни заеднички фотографии, вклучувајќи ја и објавата за годишнината од нивната венчавка, како и други среќни моменти.
Додека пак актерот Глусман, во меѓувреме, ги избришал сите нивни заеднички слики што јасно укажува на фактот дека нешто сериозно и непоправливо се случува меѓу нив.
