Победничка на годинешната „Дора“ е Албина Грчиќ од Сплит. Со песната „Tick Tock“, таа освои 120 поени од публиката и ќе ја претставува Хрватска во Ротердам, Холандија, на Евросонгот во мај, објавија хрватските медиуми.
Синоќешниот спектакл „Дора 2021“, избор на хрватски песни за песна на Евровизија, се одржа во Опатија, како и обично, во салата „Марино Цветковиќ“, само поради епидемиолошки причини, без публика и присуство на акредитирани фоторепортери и новинари.
Водителки на годинешната „Дора“ беа Даниела Трбовиќ (58), Барбара Колар (50), Јелена Лешиќ (32) и Дорис Пинчиќ (32). Додека сите имаа можност барем еднаш да ја водат „Дора“, за Барбара Колар ова е првпат да се најде на таа сцена како водителка.
За престижната статуа на „Дора“ и одењето на Евросонг, се натпреваруваа 14 изведувачи, кои беа избрани во склоп на натпреварот, на кој пристигнаа 135 пријави и вкупно 140 песни.
