НЕКОИ луѓе изгледаат како да живеат во минатото. За нив е карактеристично што постојано се каат за добрите, старите времиња, но претерувањето во тоа може да доведе до фрустрација и губење на оптимизмот бидејќи се обесхрабруваат за иднината. Ова се хороскопските знаци кои најчесто живеат во минатото.
Рак
Од сите знаци, Раковите живеат најмногу во минатото. Постојано се навраќаат на времето кога биле среќни и безгрижни, а особено на моментите од детството и младоста. Фокусирани се на спомените, а од убавите спомени црпат сила и сигурност. Дури откако семејството и пријателите почнуваат да укажуваат дека живеат во минатото, сфаќаат дека мора да се ослободат и да се отворат за нови искуства.
Риба
Рибите се чувствителни луѓе кои често ја мешаат имагинацијата и реалноста. Тие се меланхолични и веруваат дека некогаш биле посреќни. Кога се тажни, во мислите се враќаат во минатото, но често идеализираат моменти од нивниот живот кои воопшто не биле толку посебни. Тие треба да научат да бидат пореални за поуспешно да ги надминат животните предизвици.
Јарец
Јарците се силно поврзани со минатото, но често се фокусираат на негативни искуства, особено на сопствените неуспеси. Во позадина на ова е ранливоста и стравот од разочарување. Ако постојано се грижат за она што било, не можат да уживаат во сегашниот момент. Треба да учат од минатото и да продолжат понатаму.
Девица
Девиците често се враќаат назад во времето. Постојано ги анализираат своите чекори или ситуациите во кои се нашле и размислуваат што можеле подобро да направат. Едвај ги забораваат непријатните искуства, особено нивните грешки. Иако учат од своите грешки, мора да внимаваат да не трошат премногу време анализирајќи го минатото. Самокритичноста ги прави раздразливи и вознемирени.
