Во понеделник, леталото на НАСА намерно ќе се урне во астероид, се со цел да ја заштити планетата.
Мисијата за тестирање за пренасочување на астероидот (ДАРТ) ќе се сруши во астероид во 19:14 часот по локално американско време (01:14 часот по македонско време) по лансирањето пред 10 месеци.
Леталото ќе се обиде да влијае на движењето на астероидите во вселената. НАСА во живо ќе ги пренесува фотографиите направени од леталото почнувајќи од 18 часот по локално време (полноќ по македонско време).
Леталото се упати кон Диморфос, мала месечина која орбитира околу астероидот Дидимос. Астероидниот систем не претставува никаква закана за Земјата, истакнуваат претставници на НАСА, што го прави совршена цел за тестирање на кинетичко влијание, што би можело да биде потребно доколку астероидот некогаш е на пат да ја погоди Земјата.
Настанот ќе биде прва сеопфатна демонстрација на НАСА за технологија на отклонување што може да ја заштити планетата.
„За прв пат досега, мерливо ќе ја промениме орбитата на небесно тело во вселената“, рече Роберт Браун, раководител на секторот за вселенски истражувања во Лабораторијата за применета физика на Универзитетот Џон Хопкинс во Лорел, Мериленд“ – пишува Си-Ен-Ен.
