„СТОЈАМ со еврејската заедница“, објави Ким Кардашијан на Твитер и конечно го прекина молкот за антисемитскиот скандал на нејзиниот поранешен сопруг Канје Вест.
Таа го осуди секој облик на говор на омраза и порача дека ваквото однесување мора веднаш да престане.
„Говорот на омраза никогаш не е прифатлив ниту може да се оправда. Стојам со еврејската заедница и повикувам веднаш да престане ужасното насилство и говорот на омраза против нив“, напиша милијардерот, очигледно мислејќи на сега избришаниот скандалозен твит на Канје во кој тој рече дека ќе започне „дефкон3 против Евреите“.
Hate speech is never OK or excusable. I stand together with the Jewish community and call on the terrible violence and hateful rhetoric towards them to come to an immediate end.
— Kim Kardashian (@KimKardashian) October 24, 2022
Прво проговори Клои
Нејзината сестра Клои, исто така, проговори за ова еден ден претходно и повторно ја сподели изјавата на Џесика Сајнфелд која гласеше: „Ги поддржувам моите еврејски пријатели и еврејскиот народ“.
Така, Клои стана првата членка на нејзиното славно семејство која проговори за скандалот околу Канје, кој го привлече вниманието на многу познати личности.
Ким и Канје на натпревар на ќерката, но не заедно
Неодамна Ким беше видена како присуствува на кошаркарскиот натпревар на нејзината деветгодишна ќерка Норт во ЛА, а на натпреварот присуствуваше и нејзиниот поранешен сопруг.
Канје, кој неодамна изјави дека тој и Ким се разведени само на хартија, на натпреварот пристигнал одвоено од семејството, а минувачите го опишале како скршен.
Тој неодамна ги обнови заладените односи со Ким со објавување на нивните приватни прашања за старателството над децата.
Ким наводно се оградила од раперот и, според американските медиуми, „не одговара на повиците на Канје“.
Вест и Кардашијан имаат четири деца: Норт (9), Сент (6), Чикаго (4) и Псалм (3). Канје претходно изјави дека неговата поранешна сопруга „сама ги одгледува децата 80 проценти од времето“.
