Вереницата на Кристијано Роналдо, Георгина Родригез одлучи да ја покаже својата постара сестра, споделувајќи заедничка фотографија на својот инстаграм – профил…
На инстаграм – профилот на Георгина Родригез се појави една од ретките фотографии на која таа е со близок член од нејзиното семејство.
За животот на младата Георгина не се познати многу нешта, познато е само дека потекнува од Аргентина, дека се занимавала со балет и дека нејзиното семејство се преселило во Мадрид. Таму Георгина пронашла работа во дизајнерската продавница на „Gucci“, а своите танцувачки способности ги оставила на страна. Токму на тоа работно место ѝ се случи и судбинската средба со Роналдо со кој веќе неколку години се заедно.
Овој пат Георгина реши да ја покаже својата постара сестра, Ивана Родригез, така што сподели нивна заедничка фотографија, но на инстаграм – профилот на Ивана дојдовме до уште неколку интересни фотографии.
Ивана е исто така атрактивна девојка, има 30-години и е лудо вљубена во својот партнер Карлос Гарсија.
Иако јавноста досега не беше запознаена со нејзината сестра, изгледа дека Ивана и Георгина се многу блиски, па не нè зачуди фактот што заедно ги поминуваат празниците. Ивана, освен со Георгина, е блиска и со својата внука Алана Мартина, но и со Кристијано Роналдо и неговите други деца, како и со неговото семејство.
На јавно достапниот профил на Ивана може да се забележи дека си личи со својата сестра, а и нивниот моден вкус е сличен. И двете сакаат дизајнерски парчиња облека со кои го нагласуваат својот сексапил.
Преземено од Еспресо.мк
