Султан Косен од селото Дерик, близу градот Мардин, југоисточна Турција, е висок 2,51 метар и ја носи титулата „највисок човек на светот“ денес.
Деновиве во неговото родно место се одржува натпревар по фотографија наречен „Национален фотосафари – Мардин“, па учесниците и членовите на жирито на овој натпревар решија да го посетат и Косен. Првиот впечаток е домот специјално осмислен за највисокиот човек на планетава.
Покрај висината од 2,51 м., Косен влезе во Гинисовата книга на рекорди и како човек со најдолги дланки (36,5 сантиметри) и најдолги стапала (36,5 цм.).
Косен им се заблагодари на фотографите за посетата и не го криеше задоволството. А, учесниците на натпреварот ја искористија оваа прилика да ја снимат и овековечат средбата.
„Највисокиот човек на светот“ откри дека досега посетил 127 земји во светот, а во истовреме се борел и со здравствени проблеми. Тој рече дека животот му минува под надзор на лекари, а неговото семејство живее од земјоделство.
Турчинот е среќен, како што рече – што имал можност да патува ширум светот и да ја претставува својата земја.
Фото: Агенција Анадолија
