Управата за цивилно воздухопловство на Британија (CAA) ја овласти Virgin Orbit да го изврши првото британско лансирање во вселената.
АЦВ ја избра компанијата на Ричард Бренсон, ривалот на Илон Маск во вселенската трка, бидејќи Virgin Orbit „ги презеде сите разумни чекори за да ги минимизира ризиците поврзани со лансирањето“.
Virgin Orbit планира да лансира во следните неколку недели од космодромот во Корнвол. Мисијата, наречена „Start Me Up“, во знак на почит на рок бендот Ролинг Стоунс, вклучува пренаменет авион Боинг 747 на Virgin Atlantic и сопствена ракета LauncherOne.
Тие ќе бидат првите сателити лансирани во вселената од Европа
Авионот ќе полета хоризонтално од делот на аеродромот Њукеј во Корнвол, при што ракетата ќе се одвои од Боинг 707 кога е на 11.000 метри над Атлантикот, јужно од Ирска. Авионот ќе се врати во космодромот, додека ракетата ќе ги запали своите мотори и ќе стави во орбитата неколку сателити за цивилна и воена примена.
Тие ќе бидат првите сателити лансирани во вселената од Европа. Сателити од британско производство претходно редовно беа лансирани во вселената од странски космодроми. Британскиот секретар за транспорт Марк Харпер рече дека Британија сега е „чекор поблиску до отворање на галактичките автопатишта“.
Велика Британија планира да отвори уште едно вселенско пристаниште во Ланбедр во Гвинед, Северен Велс. Британската влада се надева дека комерцијалните вселенски летови ќе донесат 4,6 милијарди американски долари за британската економија во следната деценија.
