По повлекувањето на водата, жителите на Германија сега се соочуваат со големи наноси од кал и кал што може да предизвика нов бран епидемии.
Advertisements
Бидејќи скоро сите канализациони цевки се уништени за време на поплавата, водата за пиење се меша со канализациската, објасни експертот за хигиена и заразни болести Клаус-Дитер Застру за Билд.
“Ова значи дека постои висок ризик од заразување со разни болести. Можеме, на пример, да се заразиме со колера”, рече Застру.
Во поплавите што погодија делови од Западна Европа, загинаа најмалку 189 лица, а стотици се водат за исчезнати.
Десетици илјади луѓе ги напуштија своите домови, а многумина сè уште немаат пристап до електрична енергија и вода за пиење.
Засега, германските сојузни, државни и локални политичари сè уште немаат одговор на клучното прашање: зошто немаше ефективни предупредувања пред оваа катастрофална поплава. „Тајмс“ објави текст во кој тврди дека Германија знаела за поплавите и наведе дека е очигледно оти има „грешки во системот за предупредување“.
Портпаролот на Германската метеоролошка служба (ДВД), Андреас Фридрих, рече дека тие издале предупредувања за екстремни дождови, додавајќи дека не е нивна надлежност да утврдат ризик од поплавување, да повикуваат луѓе на евакуација или да преземат какви било други мерки.
Агенцијата соопшти дека не биле изненадени од силата и временскиот период на поплавата.
