Карактерот опишан во книгите на Артур Конан Дојл, Шерлок Холм, никако да стане здодевен, па филмови се прават и за неговата сестра.
„Енола Холмс“ се појави во понудата на Нетфликс на почетокот од годината, а по големиот успех потдврено е дека ќе се снима продолжение.
Во овој филм е претставена динамичата сестра на најпознатиот детектив на светот, како се обидува да „влезе во кондурите“ на својот брат. Таа е бунтовна, млада и наивна, но и покрај сите незгоди успева да ја оствари целта.
Потврдено е и дека во продолжението ќе настапи главната ѕвезда Мили Боби Браун.
– Не можам да дочекам за повторно да соработувам со моето семејство од Енола Холмс. Енола ја чувам во посебно место од моето срце. Таа е силна, бестрашна, интелегентна и храбра. Евам чекам новата авантура да започне – порача младата британска актерка.
Филмот е базиран на истоимената и наградувана книга на авторката Ненси Спрингер и е дел од модерната феминистичка ера, во која романите се засновуваат на силни и независни женски ликови.
Потврдено е дека во продолжението ќе се најде и големата светска ѕвезда Хенри Кавил, кој во моментов беше недостапен за коментар, бидејќи е презафатен со снимањето на последните сцени од „Вештерот“. Во првите 28 дена од емитувањето на „Енола Холмс“, филмот беше гледан во 76 милиони домаќинства, претплатени на Нетфликс.
