Познатата манекенка и претприемачка Тајра Бенкс (52) потврди дека ја прекинала долгогодишната врска со канадскиот бизнисмен Луј Беланже-Мартин, со кого беше во врска од 2019 година.
Манекенката ја откри веста откако фотографите на ТМЗ во Њујорк ја прашале за нејзиниот љубовен статус. Таа признала дека веќе почнала да излегува на состаноци и да запознава нови луѓе.
„Излегувам на состаноци. Убаво е повторно да бидам слободна, помина многу време“, изјавила Бенкс.
Иако е отворена за нови познанства, таа не планира да користи апликации за запознавање. Нејзините пријатели ѝ ја предложиле ексклузивната платформа „Раја“, популарна меѓу познатите личности, но манекенката признала дека не знаела за што станува збор.
Тајра и Беланже-Мартин ја почнале врската во 2019 година и главно ја чувале приватноста подалеку од јавноста. Манекенката не открила кога точно раскинале, ниту која била причината.
Во неодамнешно интервју таа истакнала дека годините не треба да бидат пречка за нов почеток.
„Научив дека никогаш не е доцна за нов почеток. Сега сум слободна жена. Имам 52 години и повторно сум сама“, рекла Бенкс, додавајќи дека ужива во новото поглавје од животот.
