Градоначалникот на Москва објави дека руската престолнина била цел на напад од повеќе од 390 украински дронови, а гувернерот на регионот изјави дека во нападите биле оштетени и станбени згради. „Повеќе од 390 дронови се упатиле кон Московскиот регион“, но „повеќето од нив биле неутрализирани многу пред да стигнат до градот“, напиша Сергеј Собјанин на апликацијата Телеграм, прецизирајќи дека „81 непријателски дронови биле уништени на пристапот кон Москва“.
Гувернерот на Московскиот регион, Андреј Воробјов, напиша на истата апликација за штетата на една станбена зграда и неколку куќи, наведувајќи дека засега нема информации за жртви.
Russia’s largest Wildberries logistics centre, located in Kolyedino near Moscow, is reportedly on fire.
According to Russian media, the blaze has spread across more than 250,000 square metres. The cause of the fire has not yet been officially confirmed. pic.twitter.com/Effbnl6Kg2
— Saint Javelin (@saintjavelin) July 28, 2026
Министерство за одбрана: Неутрализирани 356 дронови
Руското Министерство за одбрана објави дека над петнаесет региони, вклучувајќи ја и Москва, 356 украински дронови биле неутрализирани во период од тринаесет часа, од понеделник навечер до вторникот наутро.
Разликата во бројот на дронови не е објаснета, пишува „Франс Прес“.
Украинските медиуми, повикувајќи се на воени блогери, пишуваат дека нападите наводно ја погодиле челичарницата „Хидросталконструкција“ во Чехов, Московска област. „Киев Индепендент“ пишува дека бил погоден и магацин во Коледино, град на 20 километри јужно од Москва, и дека порано во текот на ноќта била погодена трафостаница во Феодосија, мал град во окупираниот Крим.
Текстот (Видео) Градоначалникот на Москва објави дека градот бил нападнат со повеќе од 390 дронови е превземен од МАКФАКС.
