Сите веќе знаеме дека можеме да одработиме квалитетен тренинг за кој било дел од телото, удобно, од сопствениот дом.
Кога станува збор за опрема за вежбање дома, обично претпочитаме реквизити што не заземаат многу простор, лесни се за користење и носат мал ризик од повреди. Еластичните ленти за вежбање – кои со години се неизбежен дел од домашните теретани – ги исполнуваат сите овие критериуми.
Овие ленти се исклучително ефикасна, но често потценета алатка за зајакнување на мускулите на задникот. Во продолжение, ви претставуваме пет вежби за поцврст и позатегнат задник, кои можете да ги изведувате дома со помош на овој едноставен реквизит.
Пет вежби за задник со еластични ленти1. Чучњеви со еластична лентаЗастанете со стапалата раздалечени во ширина на колковите и поставете ја еластичната лента околу глуждовите. Спуштете се во чучњев, туркајќи ги колковите наназад, а колената насочувајќи ги кон надвор. Држете го грбот исправен, а потоа вратете се во почетната положба.
2. Подигнување на нозете во положба за „планк“Заземете положба за висок „планк“ (потпирање на дланките) со еластична лента околу глуждовите. Подигнете ја едната нога нагоре, спуштете ја, а потоа повторете го движењето со другата нога. Внимавајте грбот да остане исправен, а колковите стабилни.
3. Странично чекорење со еластична лентаПоставете ја лентата околу глуждовите и благо свиткајте ги колената. Направете три чекори налево, а потоа три чекори надесно. За време на движењето, држете го грбот исправен, а колената насочени кон надвор.
4. Отворање на колената во положба „мост“Легнете на грб, свиткајте ги колената и поставете ја лентата над нив. Подигнете ги колковите и стегнете ги мускулите на задникот. Додека сте во оваа положба, раширете ги колената кон надвор, вратете ги во почетната положба, а потоа полека спуштете ги колковите.
5. Отворање на колената во лежечка положба на странаЛегнете на страна, свиткајте ги колената и поставете ја лентата над нив. Држејќи ги стапалата споени, подигнете го горното колено, а потоа полека спуштете го. Повторете го движењето неколку пати, а потоа сменете ја страната.
