Германскиот канцелар Фридрих Мерц се обидува да врати дел од моќта од претседателката на Европската комисија, Урсула фон дер Лајен, објави Блумберг повикувајќи се на дипломатски извори.
Конфликт околу даноците, Украина и климата
Според изворите, Мерц сака Германија да има поголема тежина во донесувањето одлуки што директно влијаат на земјите-членки на ЕУ.
Тој веќе изрази противење на предлозите на Фон дер Лајен за воведување нови европски даноци, како и на нејзиниот план за испраќање мировници во Украина. Канцеларот влезе во конфликт околу трговскиот договор со САД, како и околу климатските прописи.
„Сега мора да ставиме клип во тркалата на оваа машина во Брисел“, им рекол Мерц на бизнисмените во петокот, според Блумберг.
Повик за „фундаментална корекција“
Пред неформалниот самит на лидерите на ЕУ во Копенхаген, Мерц повторно инсистираше на „фундаментална корекција“ на она што го опишува како прекумерна регулација. „Тоа е едноставно премногу“, рече тој, според извештајот на Германската новинска агенција (ДПА).
Одбрана, оружје и бирократија
Оваа година, Европската комисија презентираше неколку иницијативи насочени кон намалување на бирократските процедури. Една од нив е Омнибусот за подготвеност за одбрана, кој треба да ги поедностави процедурите во рамките на европскиот пазар на одбрана.
Оваа програма е дел од поширокиот план на фон дер Лајен за собирање до 800 милијарди евра до 2030 година за инвестиции во набавка на оружје и муниција.
Фото: принтскрин
Текстот Мерц против Брисел: Германскиот канцелар сака да ја ограничи моќта на Урсула фон дер Лајен е превземен од МАКФАКС.
