Едно лице е тешко повредено во сообраќајна несреќа што се случила синоќа во центарот на Скопје.
Според информациите на МВР, ноќеска околу 00.25 часот во СВР Скопје е пријавено дека на крстосница од бул.„Илинден“ и ул.„Ленинова“ во Скопје се случила сообраќајна несреќа помеѓу автомобил „хјундаи“ со скопски регистарски ознаки, управувано од Д.С.(27) од Скопје и мотоцикл со скопски регистарски ознаки, управуван од Д.К.(33) од Скопје.
Во несреќата со тешки телесни повреди се здобил мотоциклистот, констатирани во Комплексот клиники „Мајка Тереза“. Извршен е увид од увидна екипа од СВР Скопје.
