Екипа на Си-Ен-Ен, предводена од репортерката Клариса Вард, влезе во таен затвор на режимот на Асад во Сирија и пронашла затвореник кој бил затворен со месеци.
Тамошните новинари трагаа по американскиот новинар Остин Тајс, кој беше затворен во Сирија во последните 12 години, а неговото семејство се надева дека ќе го најде по падот на режимот на Башар ал Асад. Се верува дека бил фатен во близина на Дамаск во август 2012 година додека известувал за сириската граѓанска војна.
Тимот посети скриени места на притвор каде што голем број цивили биле мачени и претепани до смрт. Тие наишле на ќелиите и забележале дека едната е сè уште заклучена.
Тие пронашле затвореник кој бил затворен четири дена без вода, храна и дневна светлина. „Тој дури и не знаеше што се случува во остатокот од земјата. Се е во ред, се е во ред. Ние сме новинари, јас сум цивил“, му рекла новинарката.
Затвореникот му рекол на војникот кој бил со новинарската екипа дека последните три месеци бил приведен во ќелија. „Фала му на Бога што си спасен. Сега си безбеден, не плаши се, слободен си“, одговорил војникот.
По три месеци затвор без прозорци, поранешниот затвореник конечно можел да го види небото. „О Боже мој, светлина е, има светлина. Се тресам, ми се тресе лицето”, рекол тој и побарал од толпата да остане со него. Откако му кажале дека Сирија е слободна, тој го бакнал војникот.
Текстот (Видео) Си-Ен-Ен го сними моментот кога маж беше ослободен од сириски затвор. „О боже светлина“ е превземен од МАКФАКС.
