Велика Британија пријави рекордни 41.385 нови случаи на коронавирус, додека болниците ги откажуваат сите процедури што не се итни и се борат да најдат простор за заразените пациенти.
Од почетокот на пандемијата до денес, Велика Британија не пријави повеќе од 40.000 нови инфекции за еден ден, но треба да се земе предвид и дека бројот на тестови сега е неспоредливо поголем во споредба со првите месеци од епидемијата.
Брзото ширење на инфекцијата продолжува во Велика Британија и покрај воведувањето на нови ограничувања. Воведени се мерки за спречување на ширење на заразата, откако беше утврдено дека новата варијанта на коронавирусот, која се шири низ Лондон и југот на Англија, се пренесува многу побрзо од досега познатите.
