Македонскиот прволигаш Академија Пандев ги претстави првите засилувања во зимскиот преоден рок. Агрон Руфати и Марио Врдољак им се придружија на „пандевци“.
Advertisements
Агрон Руфати има 23 години и е поранешен младински репрезентативец на Македонија и игра на позицијата централен дефанзивец. Доаѓа како слободен играч, а последен клуб за кој настапувал е Академија Клинчени (Романија). Во својата кариера има настапувано и за екипите на Зорја (Украина) и Истра (Хрватска).
Марио Врдољак е искусен 29-годишен играч за врска. Хрватскиот интернационалец доаѓа како слободен играч, а последно има настапувано заедно со Руфати во Академија Клинчени. Во својата интернационална кариера настапувал за повеќе клубови меѓу кои италијанските клубови Гросето, Бичелје, Пичерно, Олимпик Сараево./Makfudbal.mk/
