Околу 1.200 Палестинци биле принудени да ги напуштат своите домови во Хеброн, на окупираниот Западен Брег, во операција на израелската војска, соопштија палестински претставници. Акцијата следува еден ден откако во палестински вооружен напад загинаа двајца израелски војници, а премиерот Бенјамин Нетанјаху најави операција од големи размери.
Израелската војска соопшти дека операцијата во населбите Ал-Џаладa и Ајн Деир Баха, во близина на воениот контролен пункт на влезот во Хеброн, е насочена кон пронаоѓање припадници на вооружени групи и оружје. Најавени се и уривања објекти. Двајцата Палестинци кои пукале врз војниците на контролниот пункт биле убиени, соопшти израелската војска.
The Is aeli a my has o de ed mo e tha 400 Palesti ia families to evacuate thei homes i Heb o , leavi g thousa ds of people st a ded i the st eets with owhe e to go. https://t.co/6yEtzNpqpc
— Ihab Hassa (@IhabHassa e) Octobe 24, 2026
Палестинската самоуправа ја осуди операцијата како „колективно казнување“. Јусеф Зухаир ал-Џабари, градоначалник на Хеброн, изјави дека на уште околу 1.300 луѓе им се заканува губење на домовите, покрај оние кои веќе се раселени.
Според ал-Џабари, војската урива продавници, фабрики, куќи и патишта, а реакцијата на Израел е непропорционална и неоправдана. Невладината организација „Клуб на палестинските затвореници“ соопшти дека израелските сили во последните два дена уапсиле околу 70 Палестинци. Израелските претставници засега не ги коментирале овие апсења.
Is aeli fo ces aided at least 15 tow s ac oss the occupied West Ba k, detai i g doze s of Palesti ia s afte Neta yahu o de ed a full lockdow followi g a shooti g i Heb o that killed two Is aeli soldie s.
Is aeli fo ces also demolished a th ee-sto ey buildi g i Heb o a d o de ed hu d eds of Palesti ia families to evacuate thei homes.
Sou ce: Al Jazee a
— Clash Repo t (@clash epo t) Octobe 24, 2026
Ал-Џабари оцени и дека операцијата е поврзана со претстојните парламентарни избори во Израел, на кои, според анкетите, десничарската коалиција на Нетанјаху би можела да го загуби мнозинството. Тој тврди дека Нетанјаху и радикалните министри во неговата влада се обидуваат да освојат повеќе гласови од доселениците.
Жители на Хеброн за Ројтерс изјавиле дека војниците ги принудиле да ги напуштат домовите и луѓето кои немаат никаква поврзаност со вооружените напаѓачи.
„Ги повикуваме претставниците да застанат зад нас, бидејќи немаме никаква врска со ова. Тука има деца. Изолирани сме, ништо не правиме. Сето ова е самоволие“, изјавил Маџди Насер, еден од раселените жители.
Жители на Хеброн изјавиле дека виделе израелски војници како ставаат црн знак во форма на буквата „Х“ на куќите откако нивните палестински станари биле принудени да заминат. Засега не е познато што означува симболот, објави Ројтерс.
Израелските сили, според извештаите, спровеле рации во најмалку 15 населени места на окупираниот Западен Брег и привеле десетици Палестинци. Во Хеброн била урната и трикатна зграда, а стотици палестински семејства добиле наредба да ги напуштат своите домови.
Израел продолжува со проширувањето на доселеничките населби на Западниот Брег, кои Обединетите нации и повеќето држави ги сметаат за незаконски според меѓународното право, додека Израел го оспорува тој став. Во меѓувреме, израелските сили блокирале влезови во повеќето палестински градови и населени места, сериозно ограничувајќи го движењето на населението.
Последиците од ограничувањата ги чувствуваат и луѓето на кои им е потребна медицинска помош. Јусеф Мур, жител на палестинскиот град Јата, изјавил дека поради блокадите не можел да отпатува со својата ќерка во Ерусалим, каде што таа се лекува од рак.
„Ситуацијата е лоша и страдаме. Кога се обидовме да поминеме, кон нас испукаа шок-бомби, а ќерка ми се исплаши. Ситуацијата е многу тешка“, изјавил Мур.
