Френки Де Јонг го форсираше своето враќање на терените, па се чини дека ја влоши ситуацијата. Според денешните информации, Де Јонг на саботниот тренинг повторно почувствувал болка и веднаш заминал на дополнителни прегледи.
Advertisements
Резултатите покажаа дека ситуацијата со повредата се компликува и сега на Де Јонг му требаат дополнителни петнаесет дена одмор, што значи дека ќе го пропушти полуфиналето во Копа дел Реј со Реал Мадрид. Ова е голем проблем за Чави Хернандез, бидејќи надвор од терените се и Педри и Осман Дембеле, како и Андреас Кристенсен, кој се повреди на репрезентативната пауза.
Барса го доби првиот натпревар пред еден месец со резултат 1-0, но во реваншот ќе биде значително ослабена, па сѐ ќе биде отворено.
Последото овосезонско „Ел Класико“ меѓу Барселона и Реал Мадрид е закажано за в среда од 21:00 часот.
