Полициските кучиња се земаат од тестирано легло, се тренираат и се одгледуваат во текот на целиот живот.
Полициските кучиња прво се учат на основите на командите: седни, стани, стој, држи, пушти.
Потоа се специјализира за откривање експлозивни направи, наркотици или куче чувар. Со овие кучиња се работи во текот на нивниот живот, но официјалната обука трае само 2 месеци.
Многу е важно кучето да е во форма, да биде подготвено за екстремни услови и ситуации.
Кучето има 10 пати посилно сетило за мирис од човекот. Пример, луѓето можат да мирисаат грав, а кучето по тој мирис го знае потеклото на гравот.
Полициските кучиња се најчестите од овие раси:
Германски овчар – веројатно веднаш погодивте дека ова куче е најчестиот член на органите на редот. Тие се силни, агилни, мускулести кучиња кои секогаш се будни и во тек со ситуацијата. Во кучешкиот свет, тие се познати како бестрашни кучиња кои не се двоумат да реагираат на секоја навестување на опасност. Полициските и воените кучиња се најзастапени бидејќи се многу интелигентни и лесно ги совладаат тренинзите и задачите кои им се поставени. Исто така, овие кучиња покажуваат најниско ниво на стрес кога вршат операции со висок ризик.
Малиноа – можеби не сте знаеле, но куче од оваа раса по име Каиро било член на елитната единица на американските „Фоки“ кои го пронашле Осама бин Ладен. Малиноа е самоуверено куче, паметно и лојално. Братучед на германскиот овчар, ова куче прво се покажа како еден од најдобрите стокари, а потоа и како сигурен гласник за време на Првата светска војна. Тие денес се чести полициски кучиња, но во исто време и сигурни терапевтски кучиња и помагачи во потрагата по изгубени лица.
Лабрадор ретривер – многу пријателски расположени и мирни кучиња, Лабрадорите се многу успешни во совладување на обуката и учење на различни трикови. Тие се многу послушни, па лесно е да се обучуваат и ќе ги следат стапките на своите колеги полицајци или војници и ќе му го посветат животот на партнерот и ќе извршуваат важни задачи, како што се безбедноста и спасувањето луѓе. И терапевтските кучиња се одлични, а полицијата најчесто ги користи за откривање експлозиви или наркотици.
Холандски овчар – многу слични на германските овчари, овие кучиња најчесто се користат при потрага по исчезнати лица, како и при спасување луѓе. Тие се многу интелигентни, вистински спортисти, храбри. Тие се одлични работни кучиња, натпреварувачи во агилност, кучиња чувари.
