Заминувањето на Лионел Меси од Барселона е приказна на годината во светот на фудбалот.
Каталонскиот клуб во четвртокот потврди дека легендарниот Аргентинец нема да ја продолжи соработката со клубот и дека немаат можност да го задржат поради финансиски проблеми.
Меси утре напладне ќе ја одржи својата проштална прес -конференција, а вечерта Барселона ќе одигра пријателски натпревар против Јувентус.
Според одредени информации, навивачите на Барселона ќе почнат да го скандираат неговото име во 10 -та минута од овој натпревар во чест на Меси.
Da la sensación que el Camp Nou homenajeará a Messi coreando su nombre en el minuto 10 de cada partido…
— moisESPN (@moillorens) August 6, 2021
Оваа практика треба да продолжи на сите домашни натпревари и на овој начин навивачите на каталонскиот клуб ќе му се заблагодарат на Меси за се што направи за клубот.
Лео треба да ја продолжи кариерата во редовите на францускиот ПСЖ, со кој веќе се преговараат за условите на договорот.
