Серхио Бускетс е решен да си замине од Барселона на крајот од сезонава, откако искусниот играч за врска остана разочаран од односот на управата и на тренерот Чави.
Иако тој е единствениот од тројцата ветерани (заедно со Алба и со Пике) кој има позначителна минутажа, Бускетс е незадоволен што Чави ги тргна тројцата од листата на капитени на тимот. Овие играчи во неколку наврати се согласија на намалување на платите за да му помогнат на клубот и тврдат дека не заслужиле ваков однос, додека раководството на Барселона упорно се обидува да најде начин да ги понижи за што поскоро да си заминат од „Камп Ноу“.
Наоѓање нов клуб нема да биде проблем за Бускетс, кој има понуди од Премиер-лигата, но шпанскиот репрезентативец речиси сигурно ќе се пресели од другата страна на Атлантикот. Интер Мајами ќе биде новиот клуб на Шпанецот, откако Дејвид Бекам и летово го бараше Бускетс во својот тим од МЛС-лигата, ветеранот одби, но начелно се договорени сите детали за тој во наредната сезона да се пресели во САД.
