Шведска, која не воведе строги мерки на затворање, кои негативно влијаат на голем дел од светската економија, забележа помал пораст на стапката на смртност во 2020 година, отколку повеќето европски земји, покажува анализата на официјалните податоци што ги објави Ројтерс.
Експертите за инфективни болести велат дека овие резултати не можело да се толкуваат како доказ дека затворањето не е потребно, но признаваат дека тие можат да покажат дека пристапот на Шведска во борбата против пандемијата на коронавирусот има предности што треба да се проучат.
– Advertisement –
Германија и Франција го продолжија затворањето во последните неколку недели поради зголемениот број и големата смртност, што дополнително ќе го забави економското закрепнување.
Шведска, од друга страна, главно се потпираше на доброволни мерки насочени кон социјално растојание, добра хигиена и насочени правила, благодарение на што училиштата, рестораните и продавниците останаа во голема мерка отворени, што ги подели граѓаните, но и во голема мера ја поштеди економијата од ударот што се случи на друго место во Европа.
