Претседателот на гигантот за видео игри „Valve“ откри дека компанијата работи на развивање на „BCI“ технологија (Brain-Computer Interface) велејќи дека ќе направи револуција и суштински ќе го промени човечкото искуство.
Гејб Њуел изјави дека „Valve“ со платформа за невронаука „OpenBCI“ работат на наоѓање начин за поврзување на човечкиот мозок со компјутер, пишува „Индепендент“.
Една од целите е да им се обезбеди на луѓето целосно да се впуштат во видео игрите со помош на специјален „VR“ сет.
Brain-computer Interface technology from Valve will turn real life into science fiction and it’s coming sooner than you might expect. https://t.co/dCnnn0VAgr
— TweakTown (@TweakTown) January 26, 2021
Го стимулира човечкиот мозок
Специјалниот уред ќе биде дизајниран да испраќа имулси директно во делот од мозокот одговорен за визуелни, аудио или сензорни повратни информации, искуството на корисникот ќе биде значително подобрено, велат од комапнијата.
„Реалниот свет ќе престане да биде мерило што го применуваме за најдобра можна визуелна верност“, вели Њуел.
„Реалниот свет ќе изгледа рамен, безбоен и нејасен во споредба со искуствата што ќе можете да ги создадете во мозокот на луѓето“, додава тој.
Во прилог можете да го погледнете видео за невро-компјутерска технологија и нејзините можности.
