Портпаролот на турското Министерство за надворешни работи, Танжу Билгич, ги коментираше резултатите од пописот одржан во Северна Македонија.
Портпаролот на Министерството за надворешни работи Билгич во својот говор истакна:
„Резултатите од пописот во 2021 година одржан во Северна Македонија беа објавени на 30 март.
Претставниците на турската заедница во споменатата земја во неколку наврати апелираа пописот да се спроведе на фер, транспарентен и недвосмислен начин во текот на целиот пописен процес.
Податоците од пописот откриваат дека овие повици за жал биле игнорирани.
Важно е прашањата во изјавата дадена од Националното координативно тело за пописот на турскиот народ во Северна Македонија по објавувањето на резултатите од пописот да бидат земени предвид од официјалните власти.
Ги поддржуваме легитимните барања на турската заедница, која со векови е вкоренета во оваа географија, и е еден од рамноправните и основачки народи на Северна Македонија и се залага за благосостојба и развој на оваа земја, за заштита на нивните права и интереси“, се вели во соопштението на Министерството за надворешни работи на Република Турција.
