Откако беше одложено неколку пати, снимањето на продолжението на серијата „Пријатели“ е закажано за следната недела, пренесува „Deadline“.
Се чини дека снимањето на специјалното продолжување, кое неколку пати се одложуваше поради пандемијата на коронавирусите, конечно ќе се случи на 5 април.
Оригиналната екипа која се состои од Џенифер Анистон, Кортни Кокс, Лиза Кудроу, Мет Лебланк, Метју Пери и Дејвид Швимер повторно ќе се обединат за да ги снимат новите епизоди.
Пери претходно изјави дека снимањето е закажано за „почетокот на март“ годинава , иако портпаролот на „HBO Max“ рече дека плановите сè уште не се финализирани.
Веста за специајлното продолжение на култната серија „Пријатели“ за прв пат беше објавена во февруари 2020 година, а новите епизоди требаше да бидат достапни во мај, но, сепак, пандемијата ги смени овие планови.
Режисер на продолжението ќе биде Бен Винстон, а ќе работат и оригиналните креатори на серијата
Кевин Брајт, Марта Кауфман и Дејвид Крејн, а извршни продуценти на проектот ќе бидат Ема Конвеј и Џејмс Лонгман.
