САД го обвинија генералниот секретар на ОН, Антонио Гутереш дека „очигледно им попушта на руските закани“ и дека не испратил официјални лица во Украина за да ги проверат беспилотните летала што ги користи Русија за кои Вашингтон и другите велат дека биле испорачани од Иран, објави Ројтерс.
Advertisements
Русија негираше дека нејзините сили користеле ирански беспилотни летала во Украина и тврди дека претставници на ОН немаат мандат да патуваат во Киев за да го испитаат потеклото на беспилотните летала.
Иран, од друга страна, призна дека ја снабдувал Москва со беспилотни летала, посочувајќи, сепак, дека тие биле испратени пред Русија да ја нападне Украина.
Велика Британија, Франција, Германија, САД и Украина истакнуваат дека испораката на беспилотни летала од иранско производство во Русија ја прекршува резолуцијата на Советот за безбедност на ОН од 2015 година со која се потврдува иранскиот нуклеарен договор. Тие очекуваат Гутереш да испрати официјални лица во Киев за да го истражат проблемот.
