Предводникот на Португалија Кристијано Роналдо вели дека Македонија е многу потежок ривал од гигантот Италија.
„Се уште ништо не сме направиле, не сме постигнале. Има уште едно скалило до СП во Катар. Оваа победа над Турција е одлично нешто, но имаме уште еден меч. Мораме да се фокусираме и да не го потцениме противникот. Многу луѓе велат дека Македонија ќе ни биде лесен „залак“. Според мене, да се игра против Македонија е многу потешко отколку да се игра со Италија“
Мечот се игра во вторник, а Португалија е домаќин. Таа синоќа ја совлада Турција со 3:1.
