Во Франција се регистрирани безмалку 27.000 случаи на коронавирус, што е најголем дневен скок на бројот на пациенти за еден ден од средината на ноември.
Тогаш Франција беше повторно под блокада, а тоа е уште еден доказ дека строгиот полициски час не спречува ширење на вирусот, пишува Ројтерс.
– Advertisement –
Министерството за здравство објави дека се регистрирани 26.916 нови случаи на ковид-19, што е повеќе отколку во вторникот, кога беа регистрирани 22.086 случаи, како и минатата среда со 26.784 позитивни тестови.
Вкупно 3,1 милиони луѓе се заразени во Франција, каде од декември ова е трет пат да се појават повеќе од 26.000 случаи за еден ден.
Само една недела по објавувањето на второто заклучување, на 7 ноември минатата година, бројот на пациенти не надминуваше 10.000, што им даде на властите надеж дека полицискиот час што беше на сила од почетокот на декември ќе го заузда ширењето на вирусот.
Сепак, од средината на јануари и покрај строгиот полициски час од 18 часот, пет дена по ред бројот на заразени е поголем од 20.000.
