Неодамна „Римак автомобили“ ја објави веста дека автомобилот „невера“ официјално стана најбрзиот електричен сериски автомобил во светот. Со ова, овој хрватски хиперавтомобил не го држи само светскиот рекорд за забрзување, туку и брзинскиот рекорд за сериски електричен автомобил.
Advertisements
Најновиот рекорд е постигнат во контролирани услови на овалната специјализирана патека „Аутомотив тестинг Папенбург“ во Германија, која има две ленти од по 4 километри. На нив, „невара“, според официјалното мерење на Џи-пи-ес, достигна најголема брзина од 412 километри на час. Користени се комерцијални гуми „мишелин куп 2Р“, легални за патиштата, а сѐ се одвивало под надзор на инженерите од „Римац“ и „Мишелин“. Ова е, исто така, најголемата брзина што автомобил некогаш ја постигнал на таа тест-патека.
Зад воланот беше Мирослав Зрнчевиќ, главниот тест и развоен возач на „Римац автомобили“.
„Невера“ се доставува до клиентите со електронски ограничена максимална брзина од 350 километри на час. Во продолжение можете да го погледнете видеото од возењето што го собори рекордот.
